სკოლის მისია

• • •  სკოლის მისია

      სკოლა ,,გრაალის’’ მისიაა შექმნას თანამედროვე, უსაფრთხო და განვითარებაზე ორიენტირებული საგანმანათლებლო გარემო, სადაც VII-XII კლასის მოსწავლეები მიიღებენ ხარისხიან განათლებას, შეძლებენ საკუთარი შესაძლებლობების სრულად გამოვლენასა და დამოუკიდებელ, პასუხისმგებლიან მოქალაქეებად ჩამოყალიბებას. სკოლა ხელს უწყობს მოსწავლეებში კრიტიკული აზროვნების, შემოქმედებითი უნარების, აკადემიური დამოუკიდებლობისა და ლიდერული თვისებების განვითარებას, რათა მათ წარმატებით გააგრძელონ სწავლა და აქტიურად ჩაერთონ საზოგადოებრივ ცხოვრებაში.

      სკოლის ძირითადი მიზანი

      სკოლის მთავარი მიზანია საბაზო და საშუალო საფეხურის მოსწავლეებს მისცეს ეროვნული და თანამედროვე საგანმანათლებლო სტანდარტების შესაბამისი ხარისხიანი განათლება. სკოლა უზრუნველყოფს ისეთი სასწავლო გარემოს შექმნას, რომელიც ხელს შეუწყობს აკადემიური ცოდნის გაღრმავებას, კრიტიკული და ლოგიკური აზროვნების განვითარებას, კომუნიკაციისა და თანამშრომლობის უნარების ჩამოყალიბებას, აკადემიური წერისა და კვლევითი უნარების განვითარებას, მოსწავლეთა პროფესიული ინტერესებისა და სამომავლო მიზნების განსაზღვრას.

      სკოლის ხედვა

      სკოლა ,,გრაალის'' ხედვაა იყოს თანამედროვე, პროგრესული და მოსწავლეზე ორიენტირებული სასწავლებელი, რომელიც VII-XII კლასის მოსწავლეებს შეუქმნის ინტელექტუალური, პიროვნული და სოციალური განვითარების საუკეთესო პირობებს.

      სკოლა მიზნად ისახავს აღზარდოს განათლებული, პასუხისმგებლიანი, ღირსეული და ჰუმანური ადამიანები, რომელთა ღირებულებები დაფუძნებული იქნება პატივისცემაზე, სამართლიანობაზე, ადამიანობაზე და საკუთარი ქვეყნის სიყვარულზე.

      სასწავლო-სააღმზრდელო პროცესში განსაკუთრებული ყურადღება დაეთმობა თითოეული მოსწავლის ინდივიდუალური შესაძლებლობების განვითარებას, უსაფრთხო და მეგობრული გარემოს შექმნას, ჯანსაღი ცხოვრების წესის პოპულარიზაციას, ტექნოლოგიებისა და თანამედროვე სწავლების მეთოდების გამოყენებას, ტოლერანტობის, თანადგომისა და თანამშრომლობის კულტურის განვითარებას.

      სკოლის ღირებულებები

      სკოლა ,,გრაალი’’ საქმიანობას წარმართავს შემდეგ ძირითად ღირებულებებზე დაყრდნობით:

      პასუხისმგებლობა – სკოლა აცნობიერებს საკუთარ როლს მოსწავლეთა განათლებასა და აღზრდაში და თითოეული გადაწყვეტილების მიღებისას ხელმძღვანელობს მოსწავლეების საუკეთესო ინტერესებით.

      პატივისცემა – სკოლაში დამკვიდრებულია ურთიერთპატივისცემაზე დაფუძნებული გარემო, სადაც დაცულია თითოეული ადამიანის ღირსება, განსხვავებული აზრი და ინდივიდუალობა.

      ხარისხიანი განათლება – სკოლა ორიენტირებულია თანამედროვე, ეფექტიანი და შედეგზე დაფუძნებული სწავლების განხორციელებაზე, რაც მოსწავლეებს კონკურენტუნარიან და წარმატებულ პიროვნებებად ჩამოყალიბებაში დაეხმარება.

      თანამშრომლობა – სკოლა აქტიურად თანამშრომლობს მოსწავლეებთან, მშობლებთან და პედაგოგებთან, რათა ერთობლივად შექმნას განვითარებაზე ორიენტირებული სასწავლო გარემო.

      განვითარება და ინოვაცია – სკოლა მუდმივად ზრუნავს საგანმანათლებლო პროცესის გაუმჯობესებაზე, თანამედროვე მიდგომებისა და ინოვაციური მეთოდების დანერგვაზე.

      თანასწორობა და ტოლერანტობა – სკოლა უზრუნველყოფს თანასწორ და მხარდამჭერ გარემოს ყველა მოსწავლისთვის და ხელს უწყობს ტოლერანტული და სამოქალაქო ღირებულებების განვითარებას.