სიახლეები

          • სკოლა „გრაალის“ დირექტორმა მარიამ სახელაშვილმა MIT-ის მეთოდოლოგიაზე დაფუძნებული სამეწარმეო პროგრამა წარმატებით გაიარა

          • გვინდა, სიამაყით გავაზიაროთ, რომ სკოლა „გრაალის“ დირექტორმა მარიამ სახელაშვილმა წარმატებით დაასრულა Martin Trust Center for MIT Entrepreneurship-ისა და საქართველოს ეროვნული უნივერსიტეტი SEU-ს თანამშრომლობით შექმნილი, MIT-ის მეთოდოლოგიაზე დაფუძნებული პედაგოგების სასერტიფიკატო სამეწარმეო პროგრამა.

            🎓 პროგრამის წარმატებით დასრულების შემდეგ მარიამ სახელაშვილს სერტიფიკატი გადაეცა კურსდამთავრებულთა დაჯილდოების ცერემონიაზე, რომელიც კერძო და საჯარო სკოლების პედაგოგებისა და დირექტორებისთვის გაიმართა.

            🚀 პროგრამა მონაწილეებს აძლევს შესაძლებლობას, გაეცნონ თანამედროვე სამეწარმეო განათლების მიდგომებს, განივითარონ პრაქტიკული უნარები და მიიღონ საერთაშორისო გამოცდილება, რომელიც განსაკუთრებით მნიშვნელოვანია მოსწავლეებში ინიციატივის, კრეატიული აზროვნების, პრობლემების გადაჭრისა და ლიდერული უნარების განვითარებისთვის.

            უკვე მეორე წელია, SEU Martin Trust Center for MIT Entrepreneurship-თან თანამშრომლობით საქართველოში MIT-ის მეთოდოლოგიაზე დაფუძნებულ სამეწარმეო საგანმანათლებლო პროგრამებს ახორციელებს, რითაც სტუდენტებისთვის, პედაგოგებისთვის, სკოლის მოსწავლეებისა და სხვა სამიზნე ჯგუფებისთვის თანამედროვე და საერთაშორისო გამოცდილებაზე დაფუძნებულ საგანმანათლებლო შესაძლებლობებს ქმნის.

            🌟 სკოლა „გრაალი“ ამაყობს მარიამ სახელაშვილის მიღწევით და მოხარულია, რომ ჩვენი სკოლის ხელმძღვანელი პროფესიული განვითარების გზაზე მიღებულ ცოდნასა და გამოცდილებას სასკოლო საზოგადოებისა და მოსწავლეების განვითარებას მოახმარს.

            ვულოცავთ მარიამ სახელაშვილს წარმატებით დასრულებულ პროგრამას და ვუსურვებთ კიდევ ბევრ წარმატებას პროფესიულ და საგანმანათლებლო საქმიანობაში! 🇬🇪🎓🚀

          • მუსიკა ჩემს ცხოვრებაში

          • მე-9 კლასის შემოქმედებითი მუსიკალური წარმოდგენა,რომელიც სავსე იყო მუსიკით , ემოციებით და ახალგაზრდული ენერგიით.თითოეულმა მოსწავლემ გამოავლინა საკუთარი მიდგომა სწავლისადმი, რომ მუსიკა აერთიანებს და ავითარებს კომუნიკაციას,Შემოქმედებით აზროვნებას.

            საგნის მასწავლებელი-ზურაბ კვერნაძე

            2

          • 2025-2026 11 კლასი

          • სასწავლო წლის დასასრულს სკოლა "გრაალᲨი" სასწავლო გეგმის (პროექტი მუსიკა) გათვალისწინებით წარმოვადგინეთ მე-11 კლასის პრეზენტაცია, რომელᲨიც მოსწავლეებმა გააზიარეს Თავიანთი ნამუᲨევრები.Თემატიკა იყო მრავალმხრივი და საინტერესო.მოსწავლეებმა განიხილეს ქართული კულტურის მნიᲨვნელოვანი ასპექტები. 

            საგნის მასწავლებელი: ზურაბ კვერნაძე

            15

          • ბოლო ზარი

          • 33

            „ბოლო ზარი“ განსაკუთრებული დღეა — სავსე ემოციებით, მოგონებებითა და ახალი შესაძლებლობებით. დასრულდა სასკოლო ცხოვრების მნიშვნელოვანი ეტაპი და იწყება ახალი გზა, ახალი მიზნები და ახალი წარმატებები.

            გვჯერა, რომ სკოლაში მიღებული ცოდნა, გამოცდილება და ღირებულებები დაგეხმარებათ მომავალი წარმატებების მიღწევაში.

            ვუსურვებთ თითოეულ კურსდამთავრებულს წარმატებას, წინსვლასა და საკუთარი მიზნების ღირსეულად განხორციელებას.

            მადლობას ვუხდით მასწავლებლებსა და მშობლებს მრავალწლიანი მხარდაჭერისა და თანადგომისთვის.

            წარმატებული მომავალი ჩვენი სკოლის XVI გამოშვებას! ✨

          • დედა ენა როგორც კულტურული მემკვიდრეობა.

          • დედა ენის დღე მე-7 კლასის მოსწავლეებმა შექმნეს საინტერესო და შემოქმედებითი პოსტერები და იმსჯელეს მნიშვნელოვან თემებზე: დედა ენა როგორც კულტურული მემკვიდრეობა რატომ არის ქართული ენა ჩვენი იდენტობის განუყოფელი ნაწილი ენა და ადამიანის უფლებები ენა და კულტურული მემკვიდრეობა როგორ დავიცვათ და შევინარჩუნოთ ჩვენი ენა მოსწავლეებმა კიდევ ერთხელ დაგვანახეს, რომ ქართული ენა ჩვენი ისტორია, კულტურა და თვითმყოფადობაა. მის დაცვასა და განვითარებაზე ზრუნვა თითოეული ჩვენგანის პასუხისმგებლობაა

          • ქართველ მართმადიდებელთა სულიერი წინამძღოლი

          • ვიზიარებთ უდიდეს მწუხარებას, ქართველი ერის სულიერი წინამძღოლის გარდაცვალების გამო. ეს არის უდიდესი დანაკლისი არა მხოლოდ ეკლესიისთვის, არამედ მთელი საქართველოსთვის.

            მისი ღვაწლი, სიბრძნე და სიყვარული სამშობლოსა და ხალხის მიმართ სამუდამოდ დარჩება ჩვენი ქვეყნის ისტორიაში.

            მისი სულიერი მემკვიდრეობა მომავალ თაობებს გზას გაუნათებს.

            სკოლა „გრაალი“ იზიარებს ამ დიდ მწუხარებას და თანაუგრძნობს სრულიად საქართველოს.

            ვუსამძიმრებთ ყველას ამ მძიმე დანაკლისს.

            პატივისცემით,

            სკოლა გრაალი

          • ერთად ვიზრუნოთ უკეთეს მომავალზე!

          • გრაალის სკოლაში მნიშვნელოვანი საგანმანათლებლო შეხვედრა გაიმართა!

            ჩვენი მოსწავლეები გაეცნენ ინფორმაციულ სესიას, რომელიც შეეხებოდა გარემოს დაცვასა და ენერგოეფექტურობას. შეხვედრის ფარგლებში განიხილეს ისეთი მნიშვნელოვანი საკითხები, როგორიცაა:

            გარემოსდაცვითი პასუხისმგებლობა

            ცირკულარული ეკონომიკის მნიშვნელობა

            საკომუნიკაციო ნარჩენების გადამუშავება

            ტრანსპორტისა და გარემოს ურთიერთკავშირი

            ნიადაგისა და განახლებადი ენერგიის წყაროები

            მდგრადი ენერგეტიკული განვითარების მიმართულებები

            კარიერული შესაძლებლობები გარემოსა და ენერგეტიკის სფეროში

            შეხვედრა განსაკუთრებით საინტერესო იყო, რადგან ის გაიმართა კამპანიის ფარგლებში – „მდგრადი მომავალი: გარემო, ტრანსპორტი და ენერგია“, რომელიც ხორციელდება Shine Energy-სა და Tegeta Green Planet-ის კოლაბორაციით.

            ამასთანავე, მოხარულები ვართ აღვნიშნოთ, რომ ჩვენი მე-11 კლასის მოსწავლეები აქტიურად მუშაობენ პროექტზე – „გარემოს დაცვა და მოქალაქეობრივი პასუხისმგებლობა“, რაც კიდევ უფრო აძლიერებს მათ ცნობიერებას და პასუხისმგებლობას საზოგადოების წინაშე.

          • სასკოლო პროექტი – „ერთი კლასი – ერთი წიგნი“

          • სასკოლო პროექტი – „ერთი კლასი – ერთი წიგნი“

            სკოლა „გრაალი“ იწყებს შთამაგონებელ საგანმანათლებლო პროექტს „ერთი კლასი – ერთი წიგნი“, რომელიც ხორციელდება გამომცემლობა „დიოგენესთან“ თანამშრომლობით.

            პროექტის ფარგლებში თითოეული კლასი ერთსა და იმავე წიგნს წაიკითხავს და შემდეგ ერთობლივად განიხილავს მის სიუჟეტს, პერსონაჟებს, თემატიკასა და მთავარ გზავნილებს. მოსწავლეები ჩაერთვებიან დისკუსიებში, ჯგუფურ მუშაობაში, პრეზენტაციებსა და შემოქმედებით აქტივობებში, რაც მათ კითხვის პროცესს უფრო საინტერესო და ინტერაქტიულს გახდის.

            საგანმანათლებლო მიზანი:

            კითხვის უნარების გაუმჯობესება;

            ანალიტიკური და კრიტიკული აზროვნების განვითარება;

            ლიტერატურის სიყვარულის გაღვივება;

            თანამშრომლობისა და გუნდური მუშაობის უნარების გაძლიერება.

            პროექტის წარმატებით დასრულების შემდეგ მოსწავლეები მიიღებენ სერტიფიკატებს, რაც კიდევ უფრო გაზრდის მათ მოტივაციას და დააფასებს მათ ჩართულობას.

            გვჯერა, რომ „ერთი კლასი – ერთი წიგნი“ მნიშვნელოვანი ნაბიჯი იქნება წიგნიერების ამაღლებისა და სასკოლო კულტურის გაძლიერების მიმართულებით.

          • მოდა, სპორტი, ბიზნესი.

            • გლობალური საკითხები მოდა,სპორტი,ბიზნესი.

            • კერძო სკოლა „გრაალის“ მე-11 კლასის მოსწავლეებმა, ინგლისურ ენაში მოამზადეს პრეზენტაციები, ისაუბრეს დღეს არსებულ, ყველაზე ხშირი განხილვის თემად მიჩნეულ საკითხებზე. ყველა მოსწავლეს ინდივიდუალურად ჰქონდა შერჩეული თემები, რამაც პრეზენტაციის მიმდინარეობის პროცესი უფრო საინტერესო და მრავალფეროვანი გახადა.პედაგოგი პატივს სცემს მოსწავლის შეცდომებს და მცდელობებს, რადგან ესაა ამომავალი წერტილი საიდანაც მოსწავლე იღებს ცოდნას, თუ რისი გამოსწორებაა საჭირო. ბავშვს უყალიბდება შეცდომების კონტროლის შინაგანი სისტემა.  „დამეხმარე რომ თვითონ გავაკეთო“. მათ ბევრი ახალი და მნიშვნელოვანი ინფორმაცია მიიღეს. მოსწავლეებმა: ანო დეკანოიძე, მარიამ ბერიძე; ბარბარე დალაქიშვილი; მარიამ მამალაძე. ლუკა ვასაძე; ბექა ბაკურაძე; ირაკლი მაჭარაშვილი; ლუკა ნურალიძე. ზურა ჭულუხაძე; ალექსი ბუაძე; ალექსი წულაძე; დათო მურჯიკნელი.  შეძლეს მოპოვებული ინფორმაციის მობილიზება, გაანალიზება და კრიტიკულად შეფასება.

          • უსიკაᲗერაპია და ევროპული მუსიკალური Ჟანრები

          • მუსიკა მე-11 კლასი.პროექტული სწავლების ფარგლებᲨი Ჩატარდა პრეზენტაცია.მოსწავლეებმა წარადგინეს ორი Თემატური მასალა:მუსიკაᲗერაპია და ევროპული მუსიკალური Ჟანრები ზაქარია ფალიაᲨვილის ᲨემოქმედებაᲨი.კლასი ორ ჯგუფად დაიყო.ჯგუფის ლიდერებმა ისაუბრეს პრეზენტაციაზე გაწეული სამუᲨაოს Შესახებ რის Შემდეგ ᲗიᲗოეულმა წარმოადგინა საკუᲗარი ნამუᲨევარი.პრეზენტაციის ბოლოს ლუკა ვასაᲫემ საინტერესო Შეფასება გაუკეᲗა წარმოდგენილ Თემას.გამოᲗქვა საკუᲗარი აზრი.პრეზენტაცია წარმატებიᲗ Ჩატარდა.

            3

          • სტუმრად გალაკტიონ ტაბიძის სახლმუზეუმში

          • სკოლა გრაალის მოსწავლეები გალაკტიონ ტაბიძის სახლ-მუზეუმში იმყოფებოდნენ. მათ დაათვალიერეს პოეტის ბინა, რომელიც მარჯანიშვილის ქუჩაზე მდებარეობს, ნახეს მისი პირადი ნივთები, უცნობი ხელნაწერები და ფოტომასალა.

            6

          • „გარემოს დაცვა და მოქალაქეობრივი პასუხისმგებლობა“

          • 11-ე კლასში ვახორციელებთ პროექტს „გარემოს დაცვა და მოქალაქეობრივი პასუხისმგებლობა“. პროექტის ფარგლებში კლასმა შემეცნებითი და პრაქტიკული აქტივობა განახორციელა ლისის ტბის მიმდებარედ. მოსწავლეები აქტიურად ჩაერთნენ ტერიტორიის დასუფთავებაში. მათ შეაგროვეს ისეთი სახის ნარჩენები, რომლებიც გარემოს მნიშვნელოვნად აზიანებს. ამ ინიციატივამ ხელი შეუწყო ეკოლოგიური ცნობიერების ამაღლებას და კიდევ ერთხელ წარმოაჩინა, რომ თითოეული მოქალაქის პასუხისმგებლობა აუცილებელია ბუნების დაცვისთვის

            2

          • “ყველა წვეთი ძვირფასია”

          • კომპანია “ჯორჯიან ვოთერ ენდ ფაუერმა”  კერძო სკოლა “გრაალში” ჩაატარა ტრენინგი თემაზე “ყველა წვეთი ძვირფასია”. ღონისძიება  მიზნად ისახავდა მოსწავლეთა ცნობიერების ამაღლებას წყლის რესურსთან დაკავშირებით. მათ  ამ მნიშვნელოვან თემაზე ვრცელი ინფორმაცია მიიღეს, მასალის უკეთ გასააზრებლად კი გამოყენებული იყო სახალისო მეთოდები. ტრენინგის ბოლოს მოსწავლეებმა ითამაშეს სამაგიდო თამაში, რომელშიც ჩართული იყო ვიქტორინა. შემოწმდა,  რამდენად კარგად  გაიაზრეს ახალი მასალა. ღონისძიების ბოლოს მინაწილეებს გადაეცათ სიმბოლური საჩუქრები.

          • ტვინების ბრძოლა

          • გრაალის სკოლაში“გუგლი შვებულებაშია”

            სკოლა გრაალმა ტვინების ბრძოლის შემოდგომის სეზონის შიდა სასკოლო ტურს უმასპინძლა. ღონისძიებამ, რომელიც მიზნად ისახავს მოსწავლეებში ლოგიკური აზროვნების, გუნდური სულისკვეთებისა და ზოგადი განათლების დონის ამაღლებას, სკოლის სხვადასხვა კლასის მოსწავლეები გააერთიანა.

            შეჯიბრი ერთ ასაკობრივ ჯგუფში - U12(მე-9, მე-10, მე-11 და მე-12 კლასები) კატეგორიებში წარიმართა. ჯამში, სკოლა გრაალის შიდა სასკოლო ტურში შვიდმა გუნდმა იასპარეზა. თამაში თითოეულ ასაკობრივ ჯგუფში დაძაბულად და საინტერესოდ წარიმართა. მონაწილეები დიდი ენთუზიაზმით პასუხობდნენ დასმულ შეკითხვებს და ცდილობდნენ საკუთარი გუნდისთვის მაქსიმალური ქულების მოპოვებას. 

            ინტელექტუალურ ბრძოლაში გამარჯვება შემდეგმა გუნდებმა მოიპოვეს:

            U12 კატეგორია: “გუგლი შვებულებაშია”, კაპიტანი - ალექსი ალექსანდრია

            ღონისძიების დასასრულს, გამარჯვებულ გუნდებს სიგელები გადაეცათ. ტურნირში მონაწილე ყველა მოსწავლეს “ტვინების ბრძოლის” შიდა სასკოლო ტურში მონაწილეობის დამადასტურებელი დიპლომი ელექტრონულად დაეგზავნება.

            მადლობას ვუხდით სკოლის დირექტორს, ქეთევან ლომინაძე-სახელაშვილს და ტვინების ბრძოლის ორგანიზატორს, მარიამ სახელაშვილს, ჩვენთან თანამშრომლობისა და მოსწავლეთა ინტელექტუალური განვითარებაში შეტანილი წვლილისთვის!

            სკოლა გრაალის მოსწავლეებს კი წარმატებებს ვუსურვებთ ტვინების ბრძოლის შემოდგომის სეზონზე!

            გაიცანით სკოლა გრაალის ტვინიკოსები: 

          • გილოცავთ ახალი 2025-2026 სასწავლო წლის დაწყებას!

          • 3

            ჩემო ძვირფასებო,

            მოგესალმებით და გილოცავთ ახალი სასწავლო წლის დაწყებას ყველას – მოსწავლეებს, მშობლებს, პედაგოგებს. გისურვებთ, რომ ეს წელი ყოფილიყოს მშვიდობიანი და წარმატებების მომტანი თითოეული ჩვენთაგანისათვის. 

          • კერძო "სკოლა გრაალი”აცხადებს მიღებას

          • მიღება დაიწყო VII-XII კლასებში! კერძო "სკოლა გრაალი”აცხადებს მიღებას VII-დან XII კლასის ჩათვლით. ჩვენი სკოლა უზრუნველყოფს აკადემიურად ძლიერ და სრულფასოვან განათლებას — ისე, რომ მოსწავლეს არ ესაჭიროება დამატებითი მომზადება საგნებში. მაღალკვალიფიციური მასწავლებლები, თანამედროვე მეთოდები და ინდივიდუალური მიდგომა თითოეულ მოსწავლეს აძლევს წარმატების საშუალებას. სწავლება მიმართულია როგორც ეროვნული გამოცდების, ისე პიროვნული და პროფესიული განვითარებისთვის მზადებაზე.

            დაგვიკავშირდით: ტელ:599474341; 571051188

            მისამართი:  ირაკლი გამრეკელის N51 (ნუცუბიძის ქუჩა N123. მიმდებარედ)

            4

          • პროექტზე დაფუძნებული სწავლება

          • მე-8 კლასის ორი ჯგუფის მიერ შესრულებული პროექტები თემებზე Conspiracy Theories და Fashion Through Time: Past, Present, and Future წარმატებით განხორციელდა. მოსწავლეებმა დამოუკიდებლად იმუშავეს მასალებზე, მოამზადეს პრეზენტაციები და წარადგინეს პროექტები შემაჯამებელი წერის ფორმატით. პროექტზე დაფუძნებულმა სწავლებამ გაამართლა: მოსწავლეები იყვნენ აქტიურად ჩართული, პრეზენტაციები იყო შინაარსობრივად მდიდარი და კარგად ორგანიზებული. შეფასებები აჩვენებს, რომ მათ მოახერხეს ენის, კრიტიკული აზროვნების და შემოქმედებითი უნარების გაერთიანება ერთიან პროდუქტში.

          • სტუმრად : ხელოვნების და ეროვნულ მუზეუმში

          • კერძო სკოლა “გრაალის” მე-8, მე-9 და მე-10 კლასის მოსწავლეები შალვა ამირანაშვილის სახელობის ხელოვნების მუზეუმსა და სიმონ ჯანაშიას სახელობის ეროვნულ მუზეუმში იმყოფებოდნენ და დაათვალიერეს ჩვენი ქვეყნის კულტურული მემკვიდრეობის უნიკალური ნიმუშები. მათ შორის, ქრისტიანული ხელოვნების შედევრები: ანჩისხატი, აწყურისა და ხახულის ხატები, ბედიის ბარძიმი, წილკნის ღვთისმშობლის ხატი… ასევე ცნობილი ქართველი მხატვრების: ნიკო ფიროსმანის, დავით კაკაბაძის, ელენე ახვლედიანის, შალვა ქიქოძის ნამუშევრები და ევროპული დაზგური მხატვრობის ნიმუშები.

            8

          • გაცვლითი პროგრამა იტალიაში

          • იტალიის საგარეო საქმეთა სამინისტროს მიერ დაფინანსებულ გაცვლითი პროგრამაში მიიღეს მონაწილეობა სკოლა ,,გრაალის” VIII კლასის მოსწავლეებმა კესანე გელოვანმა და შაკო მურჯიკნელმა

            პროექტის მართვა ხდება ქართულ-იტალიური განათლების ცენტრ „მინერვასგან”, რადგან გახლავთ იტალიური ენის სწავლების კოორდინატორი ორგანიზაცია იტალიის საელჩოსა და საქართველოს განათლების, მეცნიერებისა და ახალგაზრდობის სამინისტროს შორის.

            პროექტი მთლიანობაში მხარდაჭერილია და ხორციელდება იტალიის საელჩოს, მინერვას და სიიპ მასწავლებლის პროფესიული განვითარების ცენტრის ხელშეწყობითა და ჩართულობით

            შეირჩა თბილისის სკოლებიდან მხოლოდ 10 მოსწავლე, რომლებიც 9-16 მარტს გაემგზავრა სიციილის ქალაქ მენფის სანტი ბივონას საჯარო სკოლაში.

            ერთი კვირის მანძილზე მოსწავლეებმა იარეს სკოლაში, მიღეს უამრავ აქტივობაში მონაწილება.

            პროექტის დაფინასებულია იტალიის საგარეო საქმეთა სამინისტრო მიერ. პროექტში მონაწილე ყველა მოსწავლეს კი უმასპინძლა პროექტში ჩართული იტალიური სკოლის ოჯახებმა.

            ეს პროქტი მხოლოდ დასაწყისია და საფუძველს ჩაუყრის კიდევ უფრო მეტ გაცვლით პროგრამას და მეტი მოსწავლის მონაწილებას.

            სკოლა ,,გრაალი” მადლობას უხდის მინერვას, ქ-ბ მაია ჯიჯელავას და მისი გაცვლითი პროგრამების ხელმძღვანელს რუსუდან გალდავას

            1